Odd-Erik Lothe feirar 30 år som artist i 2025 og vidare i 2026 både med å gje ei rekkje konsertar og å sleppe eit nytt album. I bagasjen har Lothe med seg songar som ivrige konsertgjengarar og radiolyttarar har festa til minnebøkene. Det starta med Jordbær og Grasbrann og bandet Fabel i 1995 og har etterkvart blitt 14 utgjevingar. I hovudsak på nordfjordmål og innan visesjangeren, men også med nokresidesteg til rockabilly og humor. Denne kvelden får einoppleve litt av alt og i tillegg bli kjend med nokre av låtane frå hans nye album – 14. Eit album som allereie innad i bransjen har blitt omtalt som bestenotering.
Med seg til Alonsohuset har han fire av dei mest erfarne musikarane han har jobba med opp igjennom åra; ein nydelig trio som fargelegg musikken og tekstane til Lothe på meisterlig vis:
Halvor Folgerø: Kontrabass
Jan Erik Reknes: Trompet
Åge Vaksdal: Trekkspel og tangentar
Ståle Wick: gitarar
Sidan Odd-Erik Lothe og Fabel debuterte i 1995 med Jordbær og grasbrann har han i alt utgitt 14 album. Deipoetiske tekstane på nordfjordmål har saman med eitmangesidig viseutrykk skaffa han eit trufast publikum og einlett gjenkjennelig identitet som artist. I dei seinere åra har han samarbeidt med bl.a. Mighty Magnolias, Olav Stedje og Finn Tokvam i tillegg til å gje ut musikk under sitt eige namn. Heilt sidan starten har han blitt flittig lista av NRK P1 og hausta kritikerros for alle sine utgjevingar. Han er bl.a. nominert til Spelemannspris, har vunne fylkeskulturprisen i Sogn og Fjordane samt Luttprisen for 2022.
